47-ാമത് കേരള ഫിലിം ക്രിട്ടിക്‌സ് അവാർഡ് 2023 പ്രഖ്യാപിച്ചു. ആട്ടം മികച്ച ചിത്രമായി തിരഞ്ഞെടുക്കപ്പെട്ടു. ചിത്രത്തിൻ്റെ സംവിധായകൻ ആനന്ദ് ഏകർഷി മികച്ച സംവിധായകനായി തിരഞ്ഞെടുക്കപ്പെട്ടു.
ഗരുഡൻ, പൂക്കാലം എന്നീ ചിത്രങ്ങളിലെ അഭിനയത്തിന് ബിജു മേനോനും വിജയരാഘവനും യഥാക്രമം മികച്ച നടനുള്ള അവാർഡ് പങ്കിട്ടു.
ആട്ടം, ജവാനും മുല്ലപ്പൂവും എന്നീ ചിത്രങ്ങളിലെ അഭിനയത്തിന് സരിൻ ഷിഹാബും, ശിവദയും യഥാക്രമം മികച്ച നടിക്കുള്ള പുരസ്കാരം നേടി.
ഫാസിൽ റസാഖ് സംവിധാനം ചെയ്ത തടവ് മികച്ച രണ്ടാമത്തെ ചിത്രമായി. മികച്ച രണ്ടാമത്തെ സംവിധായകനുള്ള അവാർഡും റസാക്ക് ഏറ്റുവാങ്ങി.
കലാഭവൻ ഷാജോൺ (ഇതുവരെ, ആട്ടം), ഷെയ്ൻ നിഗം (RDX , വേല), കെപിഎസി ലീല (പൂക്കളം, പൂവ്) എന്നിവർ സഹനടനും, നടിക്കുമുള്ള പുരസ്‌കാരങ്ങൾ ഏറ്റുവാങ്ങി.
വി.സി. അഭിലാഷിന് മികച്ച തിരക്കഥയ്ക്കുള്ള പുരസ്കാരം പാൻ ഇന്ത്യൻ സ്റ്റോറി എന്ന ചിത്രത്തിലൂടെ ലഭിച്ചു.
RDX (സംവിധായകൻ നഹാസ് ഹിദായത്ത്), ഗരുഡൻ (സംവിധായകൻ അരുൺ വർമ്മ) എന്നിവർ മികച്ച ജനപ്രിയ ചിത്രത്തിനുള്ള അവാർഡ് പങ്കിട്ടു.
മികച്ച ആദിവാസി ഭാഷാ ചിത്രത്തിനുള്ള പുരസ്കാരം കുറിഞ്ഞി (സംവിധാനം - ഗിരീഷ് കുന്നുമ്മേൽ) നേടി.
മികച്ച ഛായാഗ്രാഹകനുള്ള അവാർഡ്, അഞ്ചക്കള്ളകോക്കാനിലൂടെ ആർമോയും മികച്ച ഫിലിം എഡിറ്റർക്കുള്ള പുരസ്കാരം, റാണി: ദി റിയൽ സ്റ്റോറി എന്ന ചിത്രത്തിന് അപ്പു ഭട്ടതിരിയും നേടി.
ചലച്ചിത്ര രത്നം ലൈഫ് ടൈം അച്ചീവ്‌മെൻ്റ് അവാർഡ് നടനും തിരക്കഥാകൃത്തും,സംവിധായകനുമായ ശ്രീനിവാസനും,തിരക്കഥാകൃത്തും സംവിധായകനും നടനും ഗാനരചയിതാവും സംഗീതസംവിധായകനുമായ രാജസേനന് ക്രിട്ടിക്‌സ് റൂബി ജൂബിലി അവാർഡും ലഭിച്ചു.
0 Comments